நாட்டின் பொருளாதாரத்திற்கு குறிப்பிடத்தக்க பங்களிப்பை வழங்கும் பெருந்தோட்ட சமூகத்தின் அடிப்படை உரிமைகளை வழங்க அரசாங்கமும் பிற அதிகாரிகளும் எந்த நடவடிக்கையும் எடுக்கவில்லை எனக் குற்றம் சாட்டி, உள்ளூர் அரச சார்பற்ற நிறுவனங்கள் மற்றும் தொழிற்சங்க ஆர்வலர்களுடன் இணைந்து நுவரெலியா மாநகர சபைக்கு முன்பாக போராட்டத்தை அவர்கள் முன்னெடுத்தனர்.

ஐக்கிய நாடுகள் சபை 2019 ஆம் ஆண்டு மே 21ஆம் திகதியை சர்வதேச தேயிலை தினமாக அறிவித்தது.

“தேயிலை உற்பத்தி மற்றும் நுகர்வை நிலைநிறுத்துவதும், பசி மற்றும் வறுமைக்கு எதிரான போராட்டத்தில் அதன் முக்கியத்துவம் குறித்த விழிப்புணர்வை ஏற்படுத்துவதும்” தேயிலை தினத்தின் நோக்கம் என ஐக்கிய நாடுகள் சபை குறிப்பிடுகிறது.

சர்வதேச தேயிலை தினத்தை முன்னிட்டு மே 21ஆம் திகதி நுவரெலியா நகர சபைக்கு முன்பாகவிருந்து நுவரெலியா மாநகர சபை மண்டபம் வரை தொழிலாளர்கள் பேரணியாகச் சென்று, “மலையகத் தமிழர்கள் என்ற எங்கள் அடையாளத்தை உறுதிப்படுத்து, எங்களுக்கு மாடி வீடுகள் வேண்டாம், புதிய கிராம அபிவிருத்தி அதிகார சபையை அமைச்சின் கீழ் கொண்டுவராதே” போன்ற கோசங்களை எழுப்பியதாக பிரதேச ஊடகவியலாளர்கள் தெரிவிக்கின்றனர்.

போராட்டத்தில் பங்கேற்ற செயற்பாட்டாளரான, கே.யோகேஸ்வரி, நாட்டிற்கு அந்நிய செலாவணியை ஈட்டித் தரும் பெண்களின் உழைப்புக்கு அதிகாரிகள் கெளரவமான ஊதியத்தை வழங்க வேண்டும் என கோரிக்கை விடுத்தார்.

“குறிப்பாக பெண்கள் நம் நாட்டிற்கு வெளிநாட்டு வருமானத்தை ஈட்டித் தருவதில் பெரும் பங்களிப்பை வழங்குகிறார்கள். ஆனால் இன்று பெண்கள் மிகவும் கஷ்டப்படுகிறார்கள். குறிப்பாக வேலை செய்யும் பெண்கள், அவர்களில் பெரும்பாலோர் ஆயிரம் ரூபாய்க்கும் குறைவான ஊதியத்தையே பெறுகின்றனர். அந்த சிறிய சம்பளத்தில் அவர்கள் எப்படி வாழ்கிறார்கள் என்பது அனைவருக்கும் தெரியும். இது ஒரு பெரிய பிரச்சினை. அவர்களின் உழைப்பிற்கேற்ற சம்பளம் கிடைக்காமையால், அந்தக் குடும்பங்களில் எப்போதும் வறுமை நிலவுகிறது.”

தொழிலாளர்களின் உரிமைகள் மீறப்படுவதை உடனடியாக நிறுத்துமாறு அதிகாரிகளுக்குத் தெரிவித்த அவர், தொழிலாளர்களை மனிதாபிமானத்துடன் நடத்துமாறு ஆட்சியாளர்களை மேலும் வலியுறுத்தினார்.

சர்வதேச தேயிலை தினத்தன்று, மலையகத் தமிழ் மக்கள், தோட்டத் தொழிலாளர்களுக்கு காணியுடன் கூடிய ஒற்றைக் குடும்ப வீட்டுத் திட்டத்தை செயற்படுத்தவும், தமது பிள்ளைகளின் கல்வி நிலையை மேம்படுத்த நடவடிக்கை எடுக்கவும் அதிகாரிகளிடம் கோரிக்கை விடுத்தனர்.

The post ‘மாடி வீடு எமக்கு வேண்டாம்’, பெருந்தோட்டத் தொழிலாளர்கள் காணி உரிமைக்கோரி ஆர்ப்பாட்டம்   appeared first on Oruvan.com.

வரவு – செலவுத் திட்டத்தின் இரண்டாம் வாசிப்பு மீதான விவாதத்தில் கலந்துகொண்டு உரையாற்றும் போதே அவர் இவ்வாறு கூறினார்.

அவர் மேலும் தெரிவித்ததாவது,

”1700 ரூபா சம்பளத்தை பெற்றுக்கொடுக்க நாம் நடவடிக்கையெடுத்த போது தேசிய மக்கள் சக்தியினர் எம்மை விமர்சித்தனர். 2138 ரூபா சம்பளத்தை பெற்றுக்கொடுக்க வேண்டும் என்றனர். ஆனால், தற்போது 1700 ரூபாவை பெற்றுக்கொடுக்க நடவடிக்கையெடுக்கப்பட்டுள்ளதாக ஜனாதிபதி கூறியதை கைத்தட்டி வரவேற்கின்றனர்.

அது எவ்வாறு? நாம் கூறும் போது அதனை கடுமையாக எதிர்த்தனர். தற்போது வரவேற்கின்றனர். மனசாட்சியுடன் நடந்துக்கொள்ள வேண்டும். ஜனாதிபதி அநுரகுமார திசாநாயக்கவுக்கு ஒரு சவாலை விடுகிறேன். முடிந்தால் 1350 ரூபாவிலிருந்து 1 ரூபா அடிப்படை சம்பளத்தை அதிகரித்துக் காட்டுங்கள். பெருந்தோட்ட நிறுவனங்கள் தொடர்பில் எமக்கு தெரியும்.

கடந்த அரசாங்கம் மற்றும் என்னை விமர்சித்தால் மலையக மக்களின் வாழ்க்கையில் எந்தவித மாற்றமும் ஏற்பட போவதில்லை. மக்களுக்கு நன்மைகளை செய்யுங்கள். அதற்கு நாமும் உதவி செய்கிறோம்.

இந்த மக்களுக்கு தேசிய மக்கள் சக்தியின் வரவு – செலவுத் திட்டத்தில் போதிய அங்கீகாரம் கிடைக்கவில்லை. மலையக மக்களுக்காக ஒதுக்கப்பட்டுள்ள நிதியில் 67 வீதமான நிதி இந்திய அரசாங்கத்தால் வழங்கப்படும் நன்கொடையாகும்.

வீடுகள் எவ்வளவு கட்டினாலும் மலையக மக்களின் வாழ்க்கை மாறாது. அவர்களுக்கு காணி உரிமையை வழங்கினால் மாத்திரமே அவர்களின் வாழ்க்கையில் மாற்றம் ஏற்படும். அதற்கு அப்பால் கல்விக்கு அதிக முக்கியத்துவம் கொடுக்க வேண்டும். வீடமைப்பு பற்றி நான் விமர்ச்சிக்கப் போவதில்லை. காணி உரிமையை வழங்க வேண்டும் என்பதே எமது கருத்து. நாம் பிச்சை கேட்கவில்லை. அது எமது உரிமையாகும். அதனையே கோருகிறோம்.

தேயிலை ஏற்றுமதியின் மூலம் 12 வீதமான தேசிய வருமானம் நாட்டுக்கு கிடைக்கிறது. இது இந்த மக்களின் பங்களிப்பாகும். எனவே, அவர்களின் அபிவிருத்திக்காக அதிக நிதி ஒதுக்கீட்டை மேற்கொள்ள வேண்டும்.” என்றார்.

The post மலையக மக்களுக்கு அரசு ஒதுக்கிய நிதியில் 67 வீதமானவை இந்தியாவின் நிதி – ஜீவன் தொண்டமான் குற்றச்சாட்டு appeared first on Oruvan.com.