• பயணத்தின் தொடக்கம்: கடந்த ஏப்ரல் 1, 2026 அன்று, உலகிலேயே மிகவும் சக்திவாய்ந்த ‘எஸ்.எல்.எஸ்’ (SLS) எனும் ராக்கெட் மூலம் இந்த விண்கலம் ஏவப்பட்டது. இது கிளம்பும் போது வெளிப்படுத்திய நெருப்பும் வேகமும் பார்ப்போரைக் பிரமிக்க வைத்தது.

• நிலவின் காட்சி: நிலவுக்கு மிக அருகில் சென்ற வீரர்கள், அங்கிருந்து நமது பூமி ஒரு சிறிய நீல நிறப் பந்து போலத் தெரிவதைக் கண்டு வியந்தனர். நிலவின் இருண்ட பகுதிக்கு அப்பால் சுமார் 4,700 மைல்கள் வரை சென்று, மனித வரலாற்றிலேயே பூமியிலிருந்து மிக நீண்ட தூரம் சென்ற வீரர்கள் என்ற சாதனையை இவர்கள் படைத்துள்ளனர்.

• அபூர்வ சூரிய கிரகணம்: விண்வெளியில் வீரர்கள் இருந்தபோது, நிலவு சூரியனை மறைக்கும் ஒரு அபூர்வ சூரிய கிரகணத்தைக் கண்டனர். பூமியில் சில நிமிடங்கள் மட்டுமே நீடிக்கும் இந்த கிரகணம், விண்வெளியில் அவர்களுக்கு சுமார் ஒரு மணி நேரம் நீடித்தது.

• பாதுகாப்பான திரும்புதல்: நிலவைச் சுற்றி வந்த பிறகு, அந்த விண்கலம் பூமியின் வளிமண்டலத்திற்குள் மணிக்கு 24,000 மைல் வேகத்தில் நுழைந்தது. அப்போது விண்கலத்தின் வெளிப்பகுதி சுமார் 5,000°F வெப்பமடைந்தது. இருப்பினும், அதன் பாதுகாப்பு கவசம் வீரர்களைக் காப்பாற்றியது. இறுதியாக, மூன்று பிரம்மாண்டமான பாராசூட்டுகள் உதவியுடன் சான் டியேகோ கடல் பகுதியில் விண்கலம் மெதுவாக வந்து இறங்கியது.

இந்த வெற்றியானது, விரைவில் மனிதர்களை மீண்டும் நிலவில் தரை இறங்கச் செய்வதற்கும் (ஆர்டெமிஸ் III மற்றும் IV திட்டங்கள்), எதிர்காலத்தில் செவ்வாய் கிரகத்திற்குச் செல்வதற்கும் ஒரு அடித்தளமாக அமைந்துள்ளது. விண்வெளி வரலாற்றில் இது ஒரு புதிய அத்தியாயத்தின் தொடக்கமாகும்.

The post மீண்டும் நிலவுக்கு மனிதன்: வரலாற்று சாதனை படைத்த ஆர்டெமிஸ் II பயணம் appeared first on Oruvan.com.

இவர்கள் இந்த பயணத்தில் நிலவை சுற்றி வரவுளள்னர்.

அமெரிக்க விண்வெளி ஆய்வு மையமான நாசா கடந்த 1969-ல் முதன் முறையாக மனிதர்களை நிலவுக்கு அனுப்பி சாதனை படைத்தது.

இந்நிலையில், மனிதர்களை மீண்டும் நிலவுக்கு அனுப்புவதற்கான, ‘ஆர்டெமிஸ்’ திட்டத்தை நாசா துவங்கியது. 2025-க்குள் மனிதர்களை நிலவுக்கு அனுப்ப திட்டமிடப்பட்டது.

இருப்பினும் அந்த முயற்சி பல்வேறு காரணங்களால் தாமதமானது. இந்த சூழலில் அந்த தடைகளை எல்லாம் தாண்டி இன்று ‘ஆர்டெமிஸ் -2’ விண்ணில் வெற்றிகரமாக செலுத்தப்பட்டு வரலாறு படைக்கப்பட்டுள்ளது.

இந்த விண்வெளி பயணத்தில் மூன்று அமெரிக்க மற்றும் கனடா நாட்டை சேர்ந்த விண்வெளி வீரர் ஒருவரும் பயணித்துள்ளனர். அவர்களது பயணம் 10 நாட்களுக்கு திட்டமிடப்பட்டுள்ளது.

இதில் ரீட் வைஸ்மேன், விக்டர் குளோவர், கிறிஸ்டினா கோச் (விண்வெளி வீராங்கனை) மற்றும் கனடாவின் ஜெர்மி ஹன்சன் ஆகிய விண்வெளி வீரர்கள் அடங்கியுள்ளனர்.

கென்னடி விண்வெளி ஆராய்ச்சி மையத்தில் இருந்து இந்த ராக்கெட் விண்ணில் செலுத்தப்பட்டது. ராக்கெட் செலுத்தப்பட்ட சில நிமிடங்களுக்கு பின்னர், மைய பகுதியில் உள்ள இயந்திரம் ராக்கெட்டில் இருந்து பிரிந்து தனியாக சென்றது.

இதனை அடுத்து, ராக்கெட்டுடன் இணைக்கப்பட்டு இருந்த ‘ஓரியன்’ விண்கலம் நிலவை நோக்கி வெற்றிகரமாக பயணிக்கிறது என்று நாசா விஞ்ஞானிகள் கூறினர்.

50 ஆண்டுகளுக்குப் பிறகு மீண்டும் மனிதனை நிலவுக்கு அனுப்புவதற்கான முயற்சியாக இது பார்க்கப்படுகிறது.

இந்த விண்கலம் முதல் நாள் முழுவதும் பூமியின் சுற்றுப்பாதையை சுற்றிவந்த பின்னர் நிலவை நோக்கி செல்லும் வகையில் பயணம் திட்டமிடப்பட்டுள்ளது. இந்த பயணத்தில் ‘ஓரியன்’ விண்கலம் நிலவை சுற்றி வந்த பின்னர் பூமிக்கு திரும்பும் என தெரிவிக்கப்பட்டுள்ளது.

The post ‘ஓரியன்’ விண்கலனை வெற்றிகரமாக விண்ணில் செலுத்தியது நாசா appeared first on Oruvan.com.

விண்வெளித் துறையில் அமெரிக்கா – சீனா இடையே போட்டி அதிகரித்து வரும் நிலையில் இந்த அறிவிப்பு வெளியாகியுள்ளது.

இதன்படி, நாசா மையத்திற்கு சீனர்கள் வரவும், விண்வெளித் திட்டங்கள் தொடர்பான தரவுகளை அணுகவும் கட்டுப்பாடு விதிக்கப்பட்டுள்ளது.

நாசா (NASA) சமீபத்தில் சீன குடிமக்களுக்கு, அமெரிக்க விசாவுடன் இருந்தாலும், அதன் விண்வெளி திட்டங்களில் பங்கேற்க தடை விதித்துள்ளது.

இந்த முடிவு அமெரிக்காவுக்கும் சீனாவுக்கும் இடையே நடந்து வரும் விண்வெளிப் பந்தயத்தின் பின்னணியில் எடுக்கப்பட்டுள்ளது.

முன்னதாக, சீன மாணவர்கள், ஆராய்ச்சியாளர்கள், ஒப்பந்தக்காரர்கள் என பலர், நாசாவின் சில திட்டங்களில் பணியாற்றி வந்தனர்.

ஆனால், கடந்த செப்டம்பர் ஐந்தாம் திகதி முதல், சீன குடிமக்கள் நாசாவின் தரவு அமைப்புகளுக்கும், நேரடி மற்றும் மெய்நிகர் கூட்டங்களுக்கும் அணுகல் மறுக்கப்பட்டுள்ளது.

விண்வெளி நிறுவனத்தின் உள் பாதுகாப்பு மற்றும் இங்கு செய்யப்படும் ஆராய்ச்சிப் பணிகளின் உணர்திறன் தன்மையைக் கருத்தில் கொண்டு இந்த முடிவு எடுக்கப்பட்டுள்ளது.

இந்த நடவடிக்கை அமெரிக்காவும் சீனாவும் விண்வெளியில் முன்னணியைப் பிடிக்க போட்டியிடுவதால், தொழில்நுட்பத் தகவல்கள் கசியாமல் பாதுகாக்க இந்தத் தடை விதிக்கப்பட்டுள்ளது.

The post நாசாவில் பணியாற்ற சீன நாட்டவர்களுக்குத் தடை appeared first on Oruvan.com.