இந்நிலையில், புதுச்சேரியை சேர்ந்த 5 ஆயிரம் பேர்களுக்கு மட்டுமே அனுமதி வழங்கி புதுச்சேரி பொலிஸார் பல்வேறு கட்டுப்பாடுகளை விதித்துள்ளனர்.

எதிர்வரும் ஒன்பதாம் திகதி நடக்கவுள்ள இந்த மாநாட்டிற்கு என தமிழக வெற்றிக் கழகத்திற்கு புதுச்சேரி பொலிஸார் கட்டுப்பாடுகளை அறிவித்துள்ளனர்.

இதன்படி, தமிழக வெற்றிக் கழகம் வழங்கு கியூஆர் கோட் உடன் கூடிய நுழைவுச்சீட்டு வரும் ஐந்தாயிரம் பேருக்கு மட்டுமே அனுமதி வழங்கப்பட்டுள்ளது.

குறித்த அனுமதி அட்டை இல்லாத எவருக்கும் கண்டிப்பாக அனுமதி வழங்கப்படாது என பொலிஸார் வலியுறுத்தியுள்ளனர்.

குழந்தைகள், கர்ப்பிணிகள், முதியவர்களுக்கு அனுமதி மறுக்கப்பட்டுள்ளதுடன், தமிழகத்தில் இருந்து வருபவர்களுக்கும் அனுமதி மறுக்கப்பட்டுள்ளதாக தெரிவிக்கப்பட்டுள்ளது.

வீதியோரங்களில் வாகனங்களை நிறுத்த முடியாது எனவும், குடிநீர் வசதி, கழிப்பறை வசதி, ஆம்புலன்ஸ் மற்றும் அவசர காலங்களில் வெளியேறும் வழி ஆகியவை ஏற்படுத்தி தர வேண்டும் எனவும் பொலிஸார் கூறியுள்ளனர்.

தமிழக வெற்றிக் கழகத்தின் கரூர் மாநாட்டின் போது கூட்ட நெரிசலில் சிக்கி 41 பேர் உயிரிழந்தனர். இச்சம்பவம் இந்திய அளவில் பெரும் பரபரப்பை ஏற்படுத்தியிருந்தது.

இந்த சம்பவம் குறித்த சிபிஐ விசாரணைகள் தற்போது இடம்பெற்று வரும் நிலையில், நீதிமன்றிலும் வழக்கு விசாரணைகள் இடம்பெற்று வருகின்றன.

இந்நிலையில், உயர் நீதிமன்ற வழக்கை சுட்டிக்காட்டி புதுச்சேரி மாநாட்டிற்கு இவ்வாறு அனுமதி மறுப்பு மற்றும் கட்டுப்பாடுகள் விதிக்கப்பட்டுள்ளதாக தெரிவிக்கப்பட்டுள்ளது.

The post தமிழக வெற்றிக் கழகத்தின் மாநாட்டுக்கு தமிழகத்தை சேர்ந்தவர்களுக்கு அனுமதி மறுப்பு appeared first on Oruvan.com.

இதன்படி, கூட்டணி அமைப்பது தொடர்பில் தமிழக வெற்றிக் கழகத்தின் தலைவர் விஜய் பேச்சுவார்த்தையை தொடங்கி உள்ளதாகவும் அந்த செய்திகளில் சுட்டிக்காட்டப்பட்டுள்ளன.

இதன்படி, முதல் கட்ட பேச்சுவார்த்தை சற்று சுமுகமாக முடிந்துள்ளதாகவும், இதனால் அதிகமுகவின் முக்கிய பிரமுகர் அடுத்தக்கட்ட பேச்சுவார்த்தையில் நேரடியாக இறங்குவார்கள் எனவும் தெரிவிக்கப்பட்டுள்ளது.

தமிழக வெற்றிக் கழகத்தின் தலைவர் விஜய் கட்சி தொடங்கியதில் இருந்து மத்திய ஆளும் கட்சியான பாஜகவை தனது கொள்கை எதிரி எனவும் தமிழக ஆளும் கட்சியான திமுகாவை அரசியல் எதிரி எனவும் தெரிவித்திருந்தார்.

எனினும், அதிமுகவை அவர் பெரிதான விமர்ச்திருக்கவில்லை. இதனால் இரு தரப்பினர்களும் கூட்டணி அமைக்க கூடும் என தெரிவிக்கப்பட்டிருந்த நிலையில், விஜய் தனித்து போட்டியிடுவதாக உறுதிப்படுத்தினார்.

இந்நிலையில், நாள் அடைவில் ஏற்பபட்ட அரசியல் சூழ்நிலைகளை கருத்திற்கொண்டு தமிழக வெற்றிக் கழகம் கூட்டணி அமைப்பது குறித்து தீவிரமாக ஆலோசனை செய்து வருவதாக தெரிவிக்கப்பட்டுள்ளது.

குறிப்பாக கரூர் சம்பவத்திற்கு பின்னர் விஜயின் நிலைப்பாட்டில் மாற்றம் ஏற்பட்டுள்ளதாக தெரிவிக்கப்பட்டுள்ளது. கரூர் சம்பவத்தை அடுத்து விஜய்க்கு ஆதரவாக அதிமுக பொதுச் செயலாளர் எடப்பாடி பழனிச்சாமி முதல் ஆளாக குரல் கொடுத்திருந்தார்.

இந்நிலையிலேயே, அதிமுக உடன் கூட்டணி அமைப்பது தொடர்பில் தமிழக வெற்றிக் கழகம் ஆர்வம் காட்டியுள்ளதாக தமிழக ஊடகங்கள் செய்தி வெளியிட்டுள்ளன.

The post விஜயின் நிலைப்பாட்டில் மாற்றம் – அதிமுகவுடன் கூட்டணி? appeared first on Oruvan.com.

கரூர் கூட்டத்தின் போது ஏற்பட்ட விபத்து, தமிழக வெற்றிக் கழகத்தின் பொதுப் பிம்பத்திற்கு பெரும் களங்கத்தை ஏற்படுத்தியதில் இருந்து இந்த கவலைகள் தொடங்கின. கட்சி தலைமை மீதும், கட்சி மீதும், தொண்டர்கள் மீது இந்த சம்பவத்திற்கு பின் கடும் விமர்சனங்கள் வைக்கப்பட்டன. விவாதங்கள் எழுந்தன.

கட்சியை கலைக்கும் விஜய்?
இந்த சூழ்நிலை கையாளப்பட்ட விதம் குறித்து விஜய் மிகவும் வருத்தமடைந்ததாகவும், அதன்பின்னர் முக்கிய கட்சி நடவடிக்கைகளில் அவர் மௌனம் காத்து வருவதாகவும் கூறப்படுகிறது. இதுவே ஆதரவாளர்களிடையே ஊகங்களுக்கு வழிவகுக்கிறது. தமிழக வெற்றிக் கழக நிர்வாகிகள் பலர் கடந்த இரண்டு நாட்களாக கட்சியை கலைப்பது தொடர்பாக போஸ்டுகளை செய்து வருகின்றனர். எக்ஸ் தளத்தில் நடக்கும் விவாதங்களில் கூட இதே கருத்துக்களை வைக்கின்றனர்.

விஜய் ஆர்வம் காட்டவில்லை
தமிழக வெற்றிக் கழக தலைவர் நடிகர் விஜய் கரூருக்கு செல்வார் என்று எதிர்பார்க்கப்பட்டது. ஆனால் கரூர் செல்வதில் விஜய் இப்போதைக்கு ஆர்வம் காட்டவில்லை என்று கூறப்படுகிறது. இப்போதைக்கு போக வேண்டாம். அங்கே மண்டபம் கிடைக்கிறது.. கிடைக்காமல் போவது பிரச்சனை இல்லை. கரூர் செல்வது இப்போதைக்கு சரியாக இருக்காது.

கொஞ்சம் யோசித்துவிட்டு கரூர் செல்லலாம். நான் போனால் சரியாக இருக்காது. என்னிடம் யாராவது நேரடியாக கேள்விகளை கேட்டால் சரியாக இருக்காது. சிலர் சட்டென கோபப்பட்டால் பிரச்சனை ஆகிவிடும் . அதனால் நாம் யோசித்து செல்லலாம். முதலில் இரண்டாம் கட்ட தலைவர்கள் போகட்டும்.. அவர்களை போய்விட்டு வந்த பின் நாம் போவதை பற்றி யோசிக்கலாம் என்று விஜய் கூறியதாக தெரிகிறது. விஜயின் இந்த நிலைப்பாடு தவெக நிர்வாகிகளை அதிர்ச்சியில் ஆழ்த்தி உள்ளதாக கூறப்படுகிறது.

தவெக உட்கட்சி முதல்
ஏற்கனவே கட்சியின் பொதுச் செயலாளர் ஆனந்த் மற்றும் சமீபத்தில் பல மாவட்ட அளவிலான கூட்டங்களுக்கு பொறுப்பேற்ற ஜான் ஆரோக்யசாமி ஆகியோருக்கு இடையே வளர்ந்து வரும் உட்கட்சி அதிகாரப் போட்டி இந்த பதற்றத்தை மேலும் அதிகரித்துள்ளது. கரூர் விவகாரத்திற்குப் பிறகு ஆனந்த் ஏறக்குறைய இரண்டு வாரங்கள் தலைமறைவாகி இருந்தது கட்சிக்குள் குழப்பத்தை ஏற்படுத்தியது. அந்த நேரத்தில், ஜான் ஆரோக்யசாமி பல கூட்டங்களில் தலைமை தாங்கினார். இது கட்சிக்குள் அதிகார மாற்றம் ஏற்பட்டதற்கான ஒரு அறிகுறி என்று சிலர் கருதுகின்றனர்.

பாஜக தரும் அழுத்தம்
இன்னும் நிலைமையை மோசமாக்கும் வகையில், டெல்லியில் இருந்து கடுமையான அரசியல் அழுத்தம் உள்ளது. பாரதிய ஜனதா கட்சி (BJP) தமிழ்நாட்டில் TVK உடன் கூட்டணி வைக்க தீவிரமாக முயற்சிப்பதாக தகவல்கள் தெரிவிக்கின்றன. தேசிய ஜனநாயகக் கூட்டணியில் (NDA) இணையுமாறு விஜய்யை சமாதானப்படுத்த BJP தலைவர்கள் முயற்சித்து வருவதாகவும், ஒப்பந்தத்தின் ஒரு பகுதியாக துணை முதல்வர் பதவியை வழங்குவதாகவும் அரசியல் வட்டார தகவல்கள் கூறுகின்றன. இருப்பினும், இத்தகைய அழுத்தத்தால் விஜய் சங்கடமாக உணர்வதாகவும், அவர் எந்தவொரு இறுதி முடிவையும் எடுக்கவில்லை என்றும் உள்வட்டார தகவல்கள் தெரிவிக்கின்றன.

பாஜகவை கொள்கை எதிரி என்றுவிட்டு அவர்களுடன் கூட்டணி வைப்பது சரியாக இருக்காது. அதோடு பாஜகவுடன் கூட்டணி வைத்தால் அதன்பின் சிறுபான்மையினர் வாக்குகள் தனக்கு வரவே வராது என்று விஜய் அஞ்சுகிறாராம். அதே சமயம் பாஜகவின் அழுத்தத்தை சமாளிக்க முடியாமல் திணறுகிறாராம்.

தமிழக வெற்றிக் கழக தொண்டர்கள் தற்போது குழப்பம் மற்றும் கவலையில் உள்ளனர். விஜய்யின் தனிப்பட்ட பிம்பம் மற்றும் தூய்மையான அரசியலுக்கான அவரது அர்ப்பணிப்பு காரணமாகவே தாங்கள் இந்த இயக்கத்தில் இணைந்ததாக பல உள்ளூர் உறுப்பினர்கள் கூறுகின்றனர். அவர் கட்சியை கலைத்துவிடுவார் என்ற அச்சம், அவர்களின் அரசியல் எதிர்காலம் குறித்து நிச்சயமற்ற தன்மையை ஏற்படுத்தியுள்ளது. “விஜய் சார் TVK-வை மூடினால், அது மனதை உடைக்கும். ஆயிரக்கணக்கான இளைஞர்கள் இந்த கட்சியை நம்பினர்” என்று ஒரு மாவட்ட அளவிலான உறுப்பினர்கள் தெரிவிக்க தொடங்கி உள்ளனர்.

அரசியல் ஆலோசகர்கள் சிலர், விஜய் தனது பொதுப் பிம்பம் குறித்து எப்போதும் எச்சரிக்கையாக இருப்பதாகவும், உட்கட்சி பூசல்களாலோ அல்லது கட்டாய கூட்டணிகளாலோ தனது நற்பெயர் பாதிக்கப்படுவதை அவர் விரும்ப மாட்டார் என்றும் குறிப்பிடுகின்றனர். விஷயங்கள் கட்டுப்பாட்டை மீறிச் செல்வதாக அவர் உணர்ந்தால், அடுத்த தேர்தலுக்கு முன்பே அவர் ஒரு இடைவெளி எடுப்பதையோ அல்லது TVK-வை கலைப்பதையோ பரிசீலிக்கலாம் என்றும் குண்டை தூக்கி போடுகின்றனர்.

தற்போதைக்கு, விஜய் அல்லது கட்சி தலைமையிடம் இருந்து எந்த அதிகாரப்பூர்வ உறுதிப்படுத்தலும் இல்லை. ஆனால் உயர்மட்டத்தின் மௌனம், வளர்ந்து வரும் உட்கட்சி மோதல் மற்றும் வெளிப்புற அரசியல் அழுத்தம் ஆகியவை ஊகங்களின் புயலை உருவாக்கியுள்ளன – இது தமிழக வெற்றிக் கழக தொண்டர்களை கவலையிலும், தமிழ்நாடு அரசியல் களத்தை விஜய்யின் அடுத்த நகர்வுக்காக உன்னிப்பாகக் காத்திருக்கவும் வைத்துள்ளது.

The post அரசியலுக்கு முழுக்கு போடும் விஜய்? appeared first on Oruvan.com.

கரூர் வேலுச்சாமிபுரத்தில் கடந்த மாதம் 27ஆம் திகதி நடைபெற்ற தமிழக வெற்றிக்கழக பிரசார கூட்டத்தில் நெரிசலில் சிக்கி 41 பேர் உயிரிழந்தனர்.

இந்த சம்பவம் தொடர்பாக அக்கட்சியின் பொதுச்செயலாளர் புஸ்சி ஆனந்த், துணை பொதுச்செயலாளர் நிர்மல் குமார், கரூர் மாவட்ட செயலாளர் மதியழகன் உள்பட சிலர் மீது வழக்கு பதிவுசெய்யப்பட்டிருந்தது.

தொடர்ந்து, கரூர் மேற்கு மாவட்ட செயலாளர் மதியழகன், கரூர் மத்திய மாநகர நிர்வாகி பவுன் ராஜ் ஆகியோர் கைது செய்யப்பட்டனர்.

இதனையடுத்து, கட்சியின் பொதுச் செயலாளர் புஸ்ஸி ஆனந்த் மற்றும் இணை பொதுச் செயலாளர் சி. டி. ஆர். நிர்மல் குமார் ஆகியோர் தலைமறைவாகினர்.

இவர்களை கைது கைது செய்ய ஐந்து தனிப்படைகள் அமைக்கப்பட்டன.

இந்த நிலையில் கரூர் கூட்ட நெரிசல் வழக்கை சிபிஐ விசாரிக்க உச்ச நீதிமன்றம் நேற்று உத்தரவிட்டது இதனை தொடர்நது தலைமறைவாக இருந்த புஸ்சி ஆனந்த் , நிர்மல்குமார் நேற்று வெளியே வந்தனர்.

வெளியே வந்த உடன் முதலில் நிர்மகுமார் விஜய்யை சந்தித்தார். தொடர்ந்து புஸ்ஸி ஆனந்த் விஜய்யை சந்தித்தார். புஸ்ஸி ஆனந்த் விஜய்யுடன் சுமார் 20 நிமிடங்கள் ஆலோசனை நடத்தினர்.

உச்ச நீதிமன்றின் தீர்ப்பு மற்றும் கட்சியின் அடுத்தக் கட்ட நடவடிக்கைகள் குறித்து விஜய் மற்றும், புஸ்ஸி ஆனந்தும் தீவிரமாக ஆலோசனை மேற்கொண்டதாக தெரிவிக்கப்பட்டுள்ளது.

The post 16 நாட்களுக்கு பிறகு வெளியே வந்தார் புஸ்ஸி ஆனந்த் appeared first on Oruvan.com.

கரூர் கூட்ட நெரிசல் சம்பவத்தில் சிறப்பு புலனாய்வுக் குழு விசாரணையை எதிர்த்து தமிழக வெற்றிக் கழம் உச்ச நீதிமன்றத்தில் வழக்கு தாக்கல் செய்திருந்தது.

இந்த வழக்கு உச்ச நீதி​மன்ற நீதிப​தி​கள் ஜே.கே.மகேஸ்​வரி, என்​.​வி.அஞ்​சரியா ஆகியோர் அடங்​கிய அமர்வு இன்று விசாரணைக்கு எடுத்துக்கொள்ளப்பட்டது.

இதன் போது சம்பவம் குறித்து சிபிஐ விசாரணைக்கு உத்தரவிட்டப்பட்டது. மேலும், இந்த விசாரணையை மேற்பார்வை செய்ய உச்ச நீதிமன்றம் ஓய்வு பெற்ற நீதிபதி அஜய் ரஸ்தோகி தலைமையிலான மூன்று பேர் கொண்ட குழுவை அமைப்பதாகவும் அறிவித்துள்ளது.

வழக்கு விசாரணை சுதந்திரமாகவும், நியாயமாகவும் நடத்தப்பட வேண்டும் என்பதை உறுதி செய்யும்படி இந்தக் குழுவுக்கு அறிவுறுத்தப்பட்டுள்ளது.

கரூரில் தமிழக வெற்றிக் கழக பிர​சா​ரக் கூட்​டத்​தில் 41 பேர் உயி​ரிழந்த சம்​பவம் எதிரொலி​யாக அரசியல் கட்​சிகளின் கூட்​டங்​களுக்கு நிலை​யான வழி​காட்டு நெறி​முறை​களை உரு​வாக்​கக்​ கோரி வில்​லிவாக்​கம் தினேஷ் என்​பவர் தொடர்ந்த வழக்கை விசா​ரித்த சென்னை உயர் நீதி​மன்ற தனி நீதிப​தி, தவெக தலை​வ​ரான விஜய்யை கடுமை​யாக விமர்​சித்​தும், இந்த சம்​பவம் தொடர்​பாக விசா​ரணை நடத்த வடக்கு மண்டல பொலிஸ் ஐஜி அஸ்ரா கார்க் தலை​மை​யில் சிறப்பு புல​னாய்​வுக் குழு அமைத்​தும் உத்தரவிட்டிருந்தார்.

எனினும், இந்த உத்​தரவை எதிர்த்து தமிழக வெற்றிக் கழகத்தின் தேர்​தல் பிர​சார மேலாண்மை பொதுச் செய​லா​ள​ரான ஆதவ் அர்​ஜூனா உச்ச நீதி​மன்​றத்​தில் மனுத்​தாக்​கல் செய்​திருந்​தார்.

இந்த மனு உச்ச நீதி​மன்ற நீதிப​தி​கள் ஜே.கே.மகேஸ்​வரி, என்​.​வி.அஞ்​சரியா ஆகியோர் அடங்​கிய அமர்​வில் விசாரிக்கப்பட்டு வந்தது.

இந்நிலையில், இன்று உச்ச நீதிமன்றம் தீர்ப்பு வழங்கியுள்ளது. அதன்படி, கரூர் கூட்ட நெரிசல் வழக்கை சிபிஐ விசாரிக்கும் என்று உத்தரவிடப்பட்டுள்ளது.

The post கரூர் சம்பவம் – சிபிஐ விசாரணைக்கு உச்ச நீதிமன்றம் அதிரடி உத்தரவு appeared first on Oruvan.com.

இந்த கலந்துரையாடலை இரு தரப்பினரும் உறுதி செய்துள்ளனர்.

கடந்த ஆறாம் திகதி இந்த கலந்துரையாடல் இடம்பெற்றதாகவும், சுமார் 30 நிமிடங்கள் வரை இந்த கலந்துரையாடல் நீடித்ததாகவும் தெரிவிக்கப்பட்டுள்ளது.

இதன்போது, 2026 சட்டமன்றத் தேர்தலை மனதில் கொண்டு, திமுக அரசை வீழ்த்த ஒரு கூட்டணியை அமைக்கலாம் என்ற யோசனையை எடப்பாடி பழனிசாமி முன்வைத்ததாக அதிமுக வட்டாரங்கள் தெரிவிக்கின்றன.

எனினும், இதற்கு விஜய் நேரடியாக மறுப்பு தெரிவிக்கவில்லை என அதிமுக தரப்பினர் தெரிவித்துள்ளனர்.

கரூர் சம்பவத்தில் உயிரிழந்த குடும்பத்தினரை நேரில் சந்தித்து, பின்னர் தனது பிரசாரத்தை விரைவில் தொடங்க திட்டமிட்டுள்ளதாக விஜய் கூறியதாகவும் தெரிவிக்கப்பட்டுள்ளது.

எவ்வாறாயினும், எடப்பாடி பழனிசாமியை நேரில் சந்திக்கவும், ஜனவரி மாதத்திற்குப் பின்னர் கூட்டணி குறித்து முடிவெடுப்பதாகவும் விஜய் உறுதியளித்துள்ளதாக தகவல் வெளியாகி உள்ளது.

விஜய் மற்றும் எடப்பாடி பழனிசாமி இடையே தொலைபேசி உரையாடல் இடம்பெற்றதை தமிழக வெற்றிக் கழகத்தின் செய்தித் தொடர்பாளர் உறுதிப்படுத்தினார்.

மேலும், இந்த உரையாடலின் விவரங்கள் சரியான நேரத்தில் வெளியிடப்படும் என்றும் தெரிவித்துள்ளார்.

The post விஜய் மற்றும் எடப்பாடி பழனிச்சாமி இடையே தொலைபேசி உரையாடல் – கூட்டணி குறித்தும் பேச்சுவார்த்தை appeared first on Oruvan.com.

கரூரில் நடந்த விஜய் பிரசார கூட்ட நெரிசலில் சிக்கி 39 பேர் உயிரிழந்த நிலையில், விஜய் கைது செய்யப்படலாம் என தெரிவிக்கப்பட்டுள்ளது.

அடுத்து ஆண்டு தமிழகத்தின் சட்டசபை தேர்தல் இடம்பெறவுள்ள நிலையில், தமிழகத்தில் உள்ள அரசியல் கட்சிகள் தீவிர பிரசாரங்களையும், மக்கள் சந்திப்புகளையும் முன்னெடுத்துள்ளன.

குறிப்பாக ஆளும் கட்சியான தி.மு.க, பிரதான எதிர்க்கட்சியான அ.தி.மு.க மற்றும் பெறும் எதிர்ப்பார்ப்பில் இருக்கும் விஜய்யின் த.வெ.க ஆகிய கட்சிகள் தமிழகத்தின் பல்வேறு பகுதிகளில் மக்கள் சந்திப்புகளை நடத்தி வருகின்றனர்.

இந்நிலையில், தமிழக் வெற்றிக் கழகத்தின் தலைவர் விஜய் நேற்று கரூரில் மக்கள் சந்திப்பு நடத்தியிருந்தார். இதில் ஆயிரக்கணக்கான மக்கள் கூடியிருந்தனர்.

இந்நிலையில், அதிக மக்கள் தொகை காரணமாக பெரும் கூட்ட நெரிசல் ஏற்பட்டது. இதில் சிக்கில் 50க்கும் மேற்பட்டவர்கள் மயக்கமடைந்த நிலையில் வைத்தியசாலையில் அனுமதிக்கப்பட்டனர்.

இந்நிலையில், வைத்தியசாலையில் அனுமதிக்கப்பட்டவர்களில் 10 சிறுவர்கள் உள்ளிட்ட 39 பேர் உயிரிழந்தனர். இந்த சம்பவம் தமிழகத்தில் பெறும் பரபரப்பை ஏற்படுத்தியுள்ளது.

இந்தியாவில் இதற்கு முன்னர் மத நிகழ்ச்சிகளில் ஏற்பட்ட நெரிசலில் தான் உயிரிழப்பு சம்பவங்கள் அதிகளவில் நடந்து இருக்கிறது. ஆனால் ஒரு அரசியல் கட்சி கூட்டத்தில் இவ்வளவு பேர் பலியாகி இருப்பது இதுவே முதல் முறையாகும்.

ஏற்கனவே ஆந்திராவில் கடந்த 2022ஆம் ஆண்டு நெல்லூர் கண்டுகூரில் தெலுங்குதேசம் கட்சி தலைவர் சந்திரபாபு நாயுடு கூட்டத்தில் ஏற்பட்ட நெரிசலில் சிக்கி எட்டுப் பேர் உயிரிழந்தனர்.

இந்நிலையில், கரூரில் நடந்த உயிரிழப்பு சம்பவம் தொடர்பில் விஜய் கைது செய்யப்படலாம் என தெரிவிக்கப்பட்டுள்ளது.

முன்னதாக தமிழக வெற்றிக் கழகத்தின் பிரசார கூட்டத்தில் ஏதேனும் அசம்பாவிதங்கள் ஏற்பட்டால் கட்சி தலைவரே பொறுப்பு என உயர் நீதிமன்றம் ஷகூறியிருந்தது.

இந்தநிலையில் தான் கரூரில் நடைபெற்ற கூட்ட நெரிசலில் சிக்கி சுமார் 39 பேர் பலியான சோக சம்பவம் நிகழ்ந்துள்ளது.

இதனால் விஜய் உள்பட நிகழ்ச்சி ஏற்பாட்டாளர்கள் மீது பொலிஸார் வழக்குப்பதிவு செய்து, விஜய் கைது செய்ய வாய்ப்பு இருப்பதாக தமிழக ஊடகங்கள் செய்தி வெளியிட்டுள்ளன.

The post கரூர் சம்பவம் – விஜய் கைது செய்யபடுவாரா? appeared first on Oruvan.com.

அடுத்து ஆண்டு இடம்பெறவுள்ள சட்டசபை தேர்தலை முன்னிட்டு தமிழக வெற்றிக் கழக தலைவர் விஜய், மக்கள் சந்திப்புகளை நடத்தி வருகின்றார்.

மக்கள் சந்திப்புகளின் போது தமிழக முதலமைச்சரையும், தமிழக அரசையும் விஜய் கடுமையாக சாடி வருகின்றார்.

இந்நிலையில் தமிழகம் முழுவதும் தி.மு.க., நடத்தி வரும் ‘ஓரணியில் தமிழ்நாடு’ கூட்டத்தில் விஜய் குறித்து பேசுவதற்கு அமைச்சர்கள் மற்றும் நிர்வாகிகளுக்கு தடை விதிக்கப்பட்டுள்ளதாக தெரிவிக்கப்பட்டுள்ளது.

இதன்படி, காஞ்சிபுரம் தெற்கு மாவட்ட திராவிட முன்னேற்ற கழகம் சார்பில் நடந்த கூட்டத்தில் பேசிய அமைச்சர் காந்தி, தமிழக் வெற்றிக் கழகம் குறித்து பேச தடை விதிக்கப்பட்டுள்ளதாக தெரிவித்துள்ளார்.

அவர்கள் எங்களை பற்றி பேசுகிறார்கள். ஆனால், அதற்கு நாங்கள் பதிலளிக்க மாட்டோம்’ என மேலிடத்தின் உத்தரவை அமைச்சர் காந்தி வெளிப்படையாக தெரிவித்துள்ளார்.

மேலும்,  திராவிட முன்னேற்ற கழகத்தின் முதன்மைச் செயலாளர் உள்ளிட்ட முக்கியஸ்தர்கள் பலரும் விஜய் குறித்து பேசுவதற்கு மேலிடம் தடை விதித்துள்ளமையை வெளிப்படையாக அறிவித்துள்ளமை குறிப்பிடத்தக்கது.

The post விஜய் குறித்து பேச திமுக தடை appeared first on Oruvan.com.

தமிழக வெற்றிக் கழகத்தின் தலைவர் விஜய், தனது இரண்டாம் கட்ட தேர்தல் பரப்புரையை நாகை மற்றும் திருவாரூர் மாவட்டங்களில் கடந்த 20ஆம் திகதி மேற்கொண்டிருந்தார்.

இதற்போது தமிழகத்தின் ஆளும் கட்சியை கடுமையாக விமர்சித்து விஜய் பேசியிருந்தார்.

இதனிடையே, நாகையில் விதிமுறைகளை மீறிச் செயல்பட்டதாக கூறி தமிழக வெற்றிக் கழகத்தின் நிர்வாகிகள் ஐவர் மீது பொலிஸார் நான்குபிரிவுகளின் கீழ் வழக்குப்பதிவு செய்துள்ளனர்.

அதேபோன்று, திருவாரூரிலும் தமிழக வெற்றிக் கழகத்தினர் மீது வழக்கு பதிவு செய்யப்பட்டுள்ளது.

இந்நிலையில், நாகை, திருவாரூர் பரப்புரையை வெற்றிகரமாக நிறைவு செய்ய உதவியதற்காக அந்தந்த மாவட்ட தொண்டர்களுக்கு விஜய் நன்றி தெரிவித்துள்ளார்.

தனது சமூக வலைதளத்தில் விடுத்துள்ள பதிவொன்றை விஜய் வெளியிட்டுள்ளார்.

தமிழக வெற்றிக் கழகத்தைப் பற்றி பொய்யான கதைகளை பரப்புவோர் ஒவ்வொரு நாளும் மக்களிடையே பெருகும் அங்கீகாரத்தைக் கண்டு அஞ்சி நடுங்குகின்றனர்.

தமிழ்நாட்டு மக்களுக்கான முதன்மைச் சக்தியாக தமிழக வெற்றிக் கழகம் இருக்கும் எனவும், மக்களுக்காக எதிலும் சமரசம் செய்துகொள்ள மாட்டோம் எனவும் திட்டவட்டமாகக் கூறியுள்ளார்.

இந்நிலையில், 1967 மற்றும் 1977ஆம் ஆண்டு தேர்தல்களின் வெற்றி விளைவை 2026 தேர்தலிலும் நிகழ்த்திக் காட்டுவோம் என தமிழக வெற்றிக் கழகத்தின் தலைவர் விஜய் மேலும் தெரிவித்துள்ளார்.

The post எங்களை கண்டு எதிர்கட்சியினர் அச்சமடைந்துள்ளனர் – விஜய் appeared first on Oruvan.com.

இது குறித்து அவர் வெளியிட்டிருக்கும் அறிக்கையில், “குறைந்தபட்ச அரசியல் அறத்தைக்கூடத் தொலைத்த, ஒன்றியத்தை ஆளும் பிளவுவாத பாஜகவும், மாநிலத்தை ஆளும் ஊழல் மலிந்த அரசியல் கலாசாரத்தின் ஊற்றுக்கண் திமுகவும் வெளியில்தான் கொள்கைப் பகையாளிகள். ஆனால், நாம் ஏற்கெனவே சொன்னது போல, உள்ளுக்குள் மறைமுக உறவுக்காரர்களே.” என குற்றஞ்சாட்டியுள்ளார்.

2026 சட்டமன்றத் தேர்தல் களத்தில், ‘நாங்கள்தான் திமுகவுக்கு எதிரான ஒரே அணி’ என்று பாஜகவும், ‘தாங்கள்தான் பாஜகவுக்கு எதிரான அணி’ என்று திமுகவும் முழக்கமிட்டு ஒரு நாடகத்தை நடத்துவர். தமிழ்நாட்டு மக்கள் விழித்துக்கொண்டுவிட்டனர். இனி, திமுகவும் பாஜகவும் எத்தகைய வேடங்களையும் பூண்டு, நாடகங்களை நடத்த இயலாது 2026 சட்டமன்றத் தேர்தலில் நம்மை உரிய இடத்தை நோக்கி அழைத்துச் சென்று, உயரிய மக்களாட்சி அங்கீகாரத்தை மக்கள் வழங்குவார்கள்.” எனவும் விஜய் குறிப்பிட்டுள்ளார்.

The post தமிழக வெற்றிக் கழகமே 2026 இல் தமிழகத்தை ஆளும் : விஜய் சூளுரை appeared first on Oruvan.com.