இங்கு ஒற்றை சூப்பர் பாஸ்பேட் (SSP) உற்பத்தி தொழிற்சாலை ஒன்றை அமைக்கும் முன்மொழிவு தொடர்பாக உள்கட்டமைப்பு மேம்பாடுகள் பற்றிய கலந்துரையாடல் திருகோணமலை மாவட்ட செயலகத்தில் நடைபெற்றது.

கைத்தொழில் மற்றும் தொழில்முயற்சிகள் அபிவிருத்தி அமைச்சகம் SSP உர உற்பத்திக்கான முதலீட்டாளர்களை அழைக்கும் நடவடிக்கையை ஆரம்பித்துள்ளது. இந்த அழைப்பு இன்று (16) பிற்பகல் 2.00 மணிக்கு முடிவடைகிறது. ஏற்கனவே பல முதலீட்டாளர்கள் தங்கள் முன்மொழிவுகளை அமைச்சகத்திடம் சமர்ப்பித்துள்ளனர்.

இந்த நிகழ்வில் பேசிய அமைச்சர் சுனில் ஹந்துன்நெத்தி,

லங்கா பாஸ்பேட் நிறுவனம் மற்றும் தனியார் துறையுடன் இணைந்து பொது-தனியார் கூட்டாண்மை (PPP) முறையில் இந்த தொழிற்சாலை நிறுவப்படும் என தெரிவித்தார்.

மேலும், தற்போது இலங்கையில் ஆண்டுதோறும் விவசாய நோக்கங்களுக்காக இறக்குமதி செய்யப்படும் சுமார் ரூ. 8 பில்லியன் மதிப்புள்ள டிரிபிள் சூப்பர் பாஸ்பேட் (TSP) உரத்தை படிப்படியாகவும் முழுமையாகவும் உள்ளூரில் உற்பத்தி செய்யும் நோக்கத்துடன் இந்தத் திட்டம் முன்னெடுக்கப்படுவதாகவும் அவர் குறிப்பிட்டார்.

மேலும் உற்பத்தி செய்யப்படும் அதிகப்படியான உரத்தை ஏற்றுமதி செய்வதற்கான நோக்கத்துடன் இந்த தொழிற்சாலை வடிவமைக்கப்பட்டுள்ளதாகவும், இரண்டாம் கட்டமாக ஒற்றை சூப்பர் பாஸ்பேட் உற்பத்திக்குத் தேவையான கந்தக அமில உற்பத்தி தொழிற்சாலையையும் அமைக்கும் முன்மொழிவு உள்ளதாகவும் அமைச்சர் தெரிவித்தார்.

இந்நிகழ்வில் திருகோணமலை மாவட்ட ஒருங்கிணைப்புக் குழுத் தலைவர் மற்றும் துணை அமைச்சர் அருண் ஹேமச்சந்திர, நாடாளுமன்ற உறுப்பினர் ரோஷன் அக்மீமன, கைத்தொழில் மற்றும் தொழில்முனைவோர் மேம்பாட்டு அமைச்சின் செயலாளர் திருமதி திலகா ஜெயசுந்தர, திருகோணமலை மாவட்ட செயலாளர் ஹேமந்த கமகே மற்றும் பிற அரசு அதிகாரிகள் கலந்து கொண்டனர்.

The post உரத் தொழிற்சாலைக்கான முன்மொழியப்பட்ட இடத்தை பார்வையிட்டார் கைத்தொழில் அமைச்சர் appeared first on Oruvan.com.

நாடாளுமன்றில் நேற்று உரையாற்றிய அவர் இதனை தெரிவித்துள்ளார்.

குறித்த சம்பவத்தை விசாரிக்க ஜனாதிபதியால் நியமிக்கப்பட்ட குழுவின் அறிக்கையை எதிர்க்கட்சி நாடாளுமன்ற உறுப்பினர் முஜிபுர் ரஹ்மான் நாடாளுமன்றத்தில் நேற்று சமர்ப்பித்திருந்தார்.

இதன்போது உரையாற்றிய அமைச்சர் இவ்வாறு குறிப்பிட்டுள்ளார். தொடர்ந்தும் பேசுகையில்,

இந்தக் குழு தற்போதைய அரசாங்கத்தால் நியமிக்கப்பட்டது என்றும், மத்திய வங்கி சம்பவம் மற்றும் பிற சம்பவங்களைப் போல இந்த சம்பவத்தை மறைக்க எந்த முயற்சியும் இல்லை என்றும் அமைச்சர் கூறினார்.

நாடாளுமன்ற உறுப்பினர் தொடர்புடைய குழு அறிக்கையை சமர்ப்பித்ததில் மகிழ்ச்சி அடைவதாகவும், அது இன்னும் அரசாங்கத்தால் அதிகாரப்பூர்வமாக அறிவிக்கப்படவில்லை என்றும் அமைச்சர் சுட்டிக்காட்டியுள்ளார்.

அறிக்கையை ஜனாதிபதியிடம் ஒப்படைத்த பின்னர், முறையான நடைமுறையின்படி செயல்படுவேன் என்றும், நிச்சயமாக சட்ட நடவடிக்கை எடுப்பேன் என்றும் அவர் கூறினார்.

அறிக்கையை இன்னும் பார்க்கவில்லை என்றும் அமைச்சர் மேலும் கூறினார், மேலும் நாடாளுமன்ற உறுப்பினர் தாக்கல் செய்த அறிக்கை சரியாக இருந்தால், அது அதிகாரப்பூர்வமாக செயல்படுத்தப்படும் என்றும், குற்றவாளிகள் தண்டிக்கப்படுவார்கள் என்றும் வலியுறுத்தினார்.

The post தவறு செய்திருந்தால் அதிகாரிகள் நிச்சயம் தண்டிக்கப்படுவார்கள் – அமைச்சர் ஹந்துன்நெத்தி appeared first on Oruvan.com.

கனிம ஆய்வு மற்றும் சுரங்கத்தில் இருதரப்பு ஒத்துழைப்பை வளர்ப்பதில், குறிப்பாக இரு நாடுகளின் பொருளாதார மற்றும் தொழில்துறை வளர்ச்சிக்கு அவசியமான முக்கியமான கனிமங்களைப் பாதுகாப்பதில் கவனம் செலுத்தும் வகையில்  இந்த ஒப்பந்தம் கைச்சாத்திடப்பட்ட உள்ளது.

மத்திய நிலக்கரி மற்றும் சுரங்கத் துறை இணை அமைச்சர் சதீஷ் சந்திர துபே, தொழில் மற்றும் தொழில் முனைவோர் அபிவிருத்தி அமைச்சர் சுனில் ஹந்துன்நெத்தியுடன் புதுடில்லியில் சாஸ்திரி பவனில் நடத்திய சந்திப்பின் பின்னர் இந்த இணக்கப்பாடுகள் எட்டப்பட்டுள்ளன.

தூய்மையான ஆற்றல், மேம்பட்ட பேட்டரி தொழில்நுட்பங்கள் மற்றும் உயர் தொழில்நுட்பத் தொழில்களை நோக்கிய உலகளாவிய மாற்றத்தை ஆதரிப்பதில் மகத்தான ஆற்றலைக் கொண்ட இலங்கையின் பரந்த கிராஃபைட் மற்றும் கடற்கரை மணல் கனிம வளங்கள் மீது முக்கிய கவனம் செலுத்தப்பட்டது.

இலங்கையில் உள்ள இந்திய நிறுவனங்களுக்கு கனிம ஆய்வு மற்றும் சுரங்க வாய்ப்புகளில் ஒத்துழைப்பை வலுப்படுத்துவதன் முக்கியத்துவத்தை இரு தலைவர்களும் ஒப்புக்கொண்டனர்.

இந்தியாவின் தேசிய முக்கியமான கனிமப் பணியானது, லித்தியம், கிராஃபைட், நிக்கல், கோபால்ட் மற்றும் தாமிரம் போன்ற அத்தியாவசிய மூலப்பொருட்களின் நிலையான விநியோகம் நாட்டின் புதுப்பிக்கத்தக்க எரிசக்தி இலக்கை அடைவதை நோக்கமாகக் கொண்டுள்ளது என துபே வலியுறுத்தினார்.

முக்கியமான கனிமங்களுக்கான சுரங்க உரிமைகளை வழங்குதல், சர்வதேச கூட்டாண்மைகளை உருவாக்குதல் மற்றும் உலகளவில் கனிம சொத்துக்களை பெறுவதற்கு இந்திய நிறுவனங்களை ஊக்குவிப்பதில் இந்தியா தீவிரமாக செயல்பட்டு வருவதாகவும் அவர் கூறினார்.

இந்த துறைகளில் ஆய்வு வாய்ப்புகள், தொழில்நுட்ப ஒத்துழைப்பு மற்றும் முதலீட்டு வாய்ப்புகள் குறித்து இருவரும் தரப்பும் ஆழமான விவாதங்களில் ஈடுபட்டனர்.

இந்திய புவியியல் ஆய்வு மையம் (GSI) இலங்கையில் கனிம மதிப்பீடுகளை மேற்கொள்வதில் தனது ஆர்வத்தை வெளிப்படுத்தியதன் மூலம், அரசாங்கத்திலிருந்து அரசாங்கத்திற்கு (G2G) அடிப்படையில் கனிம ஆய்வுக்கான சாத்தியக்கூறுகள் குறித்தும் கலந்துரையாடப்பட்டது.

கூடுதலாக, இலங்கை தனது கடற்கரை மணல் மற்றும் கிராஃபைட் வளங்களை ஆராய்வதற்கும் மேம்படுத்துவதற்கும் இந்திய நிறுவனங்களை ஊக்குவிக்குமாறு இந்தியாவிடம் கோரியது.

இந்தியாவின் சுரங்க அமைச்சகம் மற்றும் இலங்கையின் புவியியல் ஆய்வு மற்றும் சுரங்கப் பணியகம் ஆகியவற்றுக்கு இடையேயான “புவியியல் மற்றும் கனிம வளங்கள் துறையில் ஒத்துழைப்பு” பற்றிய புரிந்துணர்வு ஒப்பந்தத்தை (MoU) இறுதி செய்வது குறித்தும் விவாதிக்கப்பட்டது.

இந்த புரிந்துணர்வு ஒப்பந்தம், திறன் மேம்பாடு, சுரங்க ஆய்வு மற்றும் மேம்பட்ட கனிம செயலாக்கம் ஆகியவற்றில் ஆழமான ஒத்துழைப்பிற்கான வலுவான கட்டமைப்பை வழங்கும் என்று துபே நம்பிக்கை தெரிவித்தார்.

திறன் மேம்பாடு, அறிவுப் பரிமாற்றம் மற்றும் தொழில்நுட்ப மற்றும் நிதி உதவி மூலம் அதன் சுரங்கத் தொழிலை நவீனமயமாக்குவதில் இலங்கைக்கு ஆதரவளிப்பதற்கான இந்தியாவின் உறுதிப்பாட்டை அவர் மீண்டும் வலியுறுத்தினார்.

The post முக்கிய துறைகளில் கவனம் செலுத்தியுள்ள இலங்கை, இந்தியா – புதுடில்லியில் நடைபெற்ற சந்திப்பு appeared first on Oruvan.com.

நாடாளுமன்றத்தில் இன்று வியாழக்கிழமை உரையாற்றும் போதே அவர் இவ்வாறு கூறினார்.

அவர் மேலும் கூறியதாவது,

”அரசாங்கம் ரணில் விக்ரமசிங்கவின் கொள்கைகளை அமுல்படுத்துவதாக எதிர்க்கட்சிகள் தொடர்ச்சியாக கூறிவருகின்றன. கடந்த நூறு நாட்கள் அவர் அரசாங்கத்தில் இருந்து இருந்தால் எத்தனை தடவைகள் வெளிநாடுகளுக்குச் சென்றிருப்பார்? ஜனாதிபதி அநுரகுமார திசாநாயக்க அரச முறை பயணமாக இந்தியாவுக்குச் சென்றார். இரண்டாவது பயணத்தை மேற்கொள்ள உள்ளார்.

ரணில் விக்ரமசிங்கவின் அரசாங்கம் இருந்து இருந்தால் அவரது அமைச்சரவையில் உள்ள அமைச்சர்கள் எத்தனை தடவை வெளிநாடுகளுக்குச் சென்றிருப்பார்கள்? எவ்வளவு செலவு செய்திருப்பார்கள்? எமது அமைச்சர்கள் எவரும் அவ்வாறு செய்யவில்லை.

கடந்த நூறு நாட்களில் அமைச்சர்கள், பிரதி அமைச்சர்கள் மற்றும் தேசிய மக்கள் சக்தியின் எம்.பிகளுக்கு எதிராக ஊழல் – மோசடி குற்றச்சாட்டை எவரும் முன்வைத்தார்கள்?. கொடுக்கல் வாங்களில் மோசடி, விலை மனு கோரலில் மோசடி என எவ்வித குற்றச்சாடுகளும் முன்வைக்கப்படவில்லை. இலஞ்சம் பெற்றிருக்கிறார்கள் என எவ்வித குற்றச்சாட்டுகளும் இல்லை. அவ்வாறெனில் ரணில் விக்ரமசிங்கவை எவ்வாறு எம்முடன் சேர்த்து பேச முடியும்?

அரிசி தட்டுப்பாடு உட்பட சில நடைமுறை ரீதியான பிரச்சினைகள் உள்ளன. நடைமுறை பிரச்சினைக்கும் முழுமையாக மக்கள் எதிர்பார்க்கும் மாற்றத்துக்கும் இடையில் வேறுபாடுகள் உள்ளன. இந்த நாட்டு மக்கள் இதுதொடர்பில் அறிவார்கள். 49 நாட்களில் நாட்டை கட்டியெழுப்ப முடியாதென மக்களுக்கு தெரியும். ஏற்கனவே அமைச்சர்களாக இருந்தவர்களுக்கும் இது தெரியும். தெரிந்துகொண்டுதான் எம்மை உருவாக்குமாறு கோருகின்றனர்.

கிளீன் ஸ்ரீலங்கா உட்பட பல வேலைத்திட்டங்களை கிராமங்களுக்கு கொண்டுசென்றுள்ளோம். ஒரு ரூபா கூட ஊழல் செய்யாது இந்தப் பணிகளை செய்கின்றனர். கோப் குழு நியமிக்கப்பட்டுள்ளது. இதன் ஊடாக தகவல்களை பெற்று ஊழல் – மோசடிகள் இடம்பெற்றால் அதனை ஊடகங்கள் ஊடாக வெளிப்படுத்த முடியும்.

ஜனாதிபதி காலை 9 மணிக்கு ஆரம்பித்த கூட்டமொன்றை இரவு 7 மணிக்குதான் முடிந்தார் என்றும் இந்த கூட்டம் முடியும்வரை இரண்டு தேனீர் இடைவேளைகளை மாத்திரமே அவர் வழங்கினார் என்றும் நிதி அமைச்சின் அதிகாரி ஒருவர் என்னிடம் கூறினார். அவ்வாறுதான் நாம் பணியாற்றுகிறோம். எமது அமைச்சுகளிலும் அவ்வாறுதான் பணி இடம்பெறுகிறது. வரலாற்றில் இடம்பெற்ற தவறுகளை சரிசெய்து முன்னோக்கி பயணிக்க வேண்டியுள்ளது.” என்றார்.

The post ரணிலின் கொள்கைகளை அரசாங்கம் பின்பற்றுகிறதா? எதிர்க்கட்சிகளுக்கு சுனில் ஹந்துன்நெத்தி பதில் appeared first on Oruvan.com.

நிகழ்வில் சஜித் பிரேமதாசவுக்கு வலது, இடது புறத்தில் அமைச்சர்களாக பிமல் ரத்னாநாயக்க, சுனில் ஹந்துன்நெத்தி ஆகியோருக்கு ஆசனங்கள் ஒதுக்கப்பட்டிருந்தன.

நிகழ்வின் ஆரம்பம் முதலே மூவருக்கும் இடையில் சிநேகப்பூர்வமான உரையாடல் இடம்பெற்றுள்ளதுடன், இந்த உரையாடலில் சமகால அரசியல் மற்றும் பொருளாதார விவகாரங்கள் குறித்து மூவரும் பேசியுள்ளனர்.

சபாநாயகர் விவகாரம், அரிசி விவகாரம் தொடர்பில் மூவரும் உரையாடியுள்ளதுடன்,  சர்வதேச விவகாரங்கள் குறித்தும் ஆலோசித்துள்ளனர். குறிப்பாக  சிரியப் பிரச்சினை, இஸ்ரேலியப் பிரச்சினை குறித்து மூவருக்கும் நீண்ட உரையாடல் நடத்தயுள்ளதாக தெரியவருகிறது.

The post ஷங்ரிலா ஹோட்டலில் நடந்த சந்திப்பு – சஜித், பிமல், சுனில் பேசியது என்ன? appeared first on Oruvan.com.