அத்துடன், பியல் மனம்பேரி எதிர்வரும் ஜனவரி மாதம் 07 ஆம் திகதி வரை விளக்கமறியலில் வைக்கவும் நீதிமன்றம் உத்தரவிட்டுள்ளது.

சந்தேக நபர்கள் இன்று (24) வலஸ்முல்ல நீதவான் நீதிமன்றில் ஆஜர்படுத்தப்பட்ட போதே நீதவான் மல்ஷா கொடிதுவக்கு இந்த உத்தரவை பிறப்பித்தார்.

கொழும்பு வடக்கு குற்றத்தடுப்புப் பிரிவு சார்பில் ஆஜரான உதவிப் பொலிஸ் அத்தியட்சகர் V.F.S.பெரேரா, இவ்வழக்கின் இரண்டாவது சந்தேகநபரான சம்பத் மனம்பேரியிடம் முன்னெடுக்கப்பட்ட விசாரணைகளில் போதைப்பொருள் மற்றும் பாதாள உலகச் செயற்பாடுகள் குறித்து பல தகவல்கள் வெளியாகி உள்ளதாகத் தெரிவித்தார்.

அந்தத் தகவல்களுக்கமைய மேலும் சிலரைக் கைது செய்ய வேண்டியுள்ளதாலும், சந்தேக நபரிடம் இருந்து மேலதிக தகவல்களைப் பெற வேண்டியுள்ளதாலும், அவரை மேலும் 90 நாட்கள் கொழும்பு வடக்கு குற்றத்தடுப்பு பிரிவில் தடுத்து வைப்பதற்கான உத்தரவை பிறப்பிக்குமாறு உதவிப் பொலிஸ் அத்தியட்சகர் நீதிமன்றில் கோரிக்கை விடுத்தார்.

இதன்போது பிரதிவாதி சார்பில் ஆஜரான சட்டத்தரணி ஹர்ஷ ஜயலத், சம்பத் மனம்பேரியை தொடர்ந்தும் தடுத்து வைப்பதற்கு தாம் எதிர்ப்புத் தெரிவிப்பதாகவும், அவரிடம் இதுவரை மேற்கொள்ளப்பட்ட விசாரணைகள் தொடர்பான அறிக்கையை நீதிமன்றில் சமர்ப்பிக்குமாறும் கோரினார்.

அத்துடன் சந்தேக நபரிடம் இருந்த 3 வாகனங்கள் தற்போது சட்டவிரோத சொத்துக்கள் விசாரணைப் பிரிவினரால் பறிமுதல் செய்யப்பட்டுள்ளதாகவும், அவை சந்தேகநபர் இந்த சட்டவிரோத சம்பவங்களுடன் தொடர்புபட்டு சம்பாதித்தவை என்பது இதுவரை மேற்கொள்ளப்பட்ட விசாரணைகளில் தெரியவந்திருந்தால், அது தொடர்பான அறிக்கையையாவது நீதிமன்றில் சமர்ப்பிக்க உத்தரவிடுமாறு சட்டத்தரணி நீதிமன்றில் கோரிக்கை விடுத்தார்.

சந்தேக நபருக்கு எதிராக மேலும் 90 நாட்கள் தடுப்புக் காவல் உத்தரவு வழங்கப்படுமாயின், அவரைப் பார்ப்பதற்கும் அவருக்குத் தேவையான ஆலோசனைகளை வழங்குவதற்கும் சட்டத்தரணிகள் மற்றும் குடும்பத்தினருக்குத் தேவையான அனுமதியை வழங்குமாறும் சட்டத்தரணி நீதிமன்றில் கோரினார்.

அதற்கமைய, இரு தரப்பு உண்மைகளையும் பரிசீலித்த வலஸ்முல்ல நீதவான் மல்ஷா கொடிதுவக்கு மேற்கண்ட உத்தரவுகளைப் பிறப்பித்தார்.

The post சம்பத் மனம்பேரி மேலும் 90 நாட்கள் தடுத்து வைத்து விசாரணை appeared first on Oruvan.com.

மித்தெனிய பகுதியில் ஐஸ் என்ற போதைப்பொருளை தயாரிக்கப் பயன்படுத்தப்பட்டதாக சந்தேகிக்கப்படும் இரசாயனங்கள் அடங்கிய இரண்டு கொள்கலன்களை மறைத்து வைத்த சம்பவம் தொடர்பாக அவர் இன்று (26) வரை விளக்கமறியலில் வைக்கப்பட்டிருந்தார்.

மேலும், குறித்த காணியில் ஆயுதங்கள் கண்டுபிடிக்கப்பட்ட சம்பவம் தொடர்பில் அவரை எதிர்வரும் ஒக்டோபர் 1 ஆம் திகதி வரை விளக்கமறியலில் வைக்குமாறு வலஸ்முல்ல நீதவான் உத்தரவிட்டிருந்தமை குறிப்பிடத்தக்கது.

The post சம்பத் மனம்பேரியை 90 நாட்கள் தடுத்து வைத்து விசாரிக்க அனுமதி appeared first on Oruvan.com.

தற்போது தடுப்பு காவலில் வைக்கப்பட்டுள்ள சந்தேகநபரான சம்பத் மனம்பேரியிடம் முன்னெடுக்கப்பட்ட விசாரணைகளின் போது கிடைத்த தகவல்களின் அடிப்படையில் இந்த ஆயுதங்கள் மீட்கப்பட்டுள்ளன.

மித்தெனிய பகுதியில் உள்ள காணியில் இருந்து புதைக்கப்பட்டிருந்த நிலையில், துப்பாக்கி தோட்டாகள் உள்ளிட்ட ஆயுதங்களை மேற்கு, வடக்கு குற்றப்பிரிவினர் மீட்டுள்ளனர்.

இதன்படி, தங்க நிறத்திலான இரண்டு டி56 மெகசின்கள், 115 டி56 தோட்டாக்கள், வெளிநாட்டில் தயாரிக்கப்பட்ட கைக்குண்டு மற்றும் உடைந்த பிஸ்டல் துப்பாக்கி ஆகியவை மீட்கப்பட்டுள்ளதாக தெரிவிக்கப்பட்டுள்ளது.

கடந்த மூன்றாம் திகதி காணி ஒன்றில் இந்த ஆயுதங்களை புதைத்து வைத்திருந்ததாக விசாரணையில் தெரியவந்துள்ளது.

மிதெனிய – தலாவ பகுதியில் உள்ள ஒரு நிலத்தில் இருந்து ஐஸ் போதைப்பொருள் தயாரிக்கப் பயன்படுத்தப்படும் இரசாயனப் பொருட்கள் மீட்கப்பட்ட சம்பவம் தொடர்பில் சம்பத் மனம்பேரி நீதிமன்றில் சரணடைந்த நிலையில் கைது செய்யப்பட்டார்.

கடந்த 17ஆம் திகதி வலஸ்முல்ல நீதவான் நீதிமன்றத்தில் சரணடைந்த பின்னர், கைது செய்யப்பட்ட அவர் தடுத்து வைக்கப்பட்டு, விசாரணை செய்ய பொலிஸாரிடம் ஒப்படைக்கப்பட்டார் என்பதும் குறிப்பிடத்தக்கது.

The post சம்பத் மனம்பேரியால் புதைத்து வைக்கப்பட்டிருந்ததாக கூறப்படும் ஆயுதங்கள் மீட்பு appeared first on Oruvan.com.