உப்பு Archives - Oruvan.com

துறைமுகத்தில் தேங்கியுள்ள 400 கொள்கலன் உப்பு – விடுவிக்குமாறு கோரிக்கை

Nishanthan Subramaniyam — Thu, 14 Aug 2025 07:54:46 +0000

கொழும்பு துறைமுகத்தில் 45 நாட்களாக தேங்கியுள்ள 400 கொள்கலன் உப்பை உடனடியாக விடுவிக்குமாறு இலங்கை உப்பு உற்பத்தியாளர்கள் சங்கம் அரசாங்கத்தை வலியுறுத்தியுள்ளது.

2023 ஆம் ஆண்டின் பிற்பகுதியில் சிறுபோகத்திற்குப் பிறகு உப்பு உற்பத்தி கடுமையாக பாதிக்கப்பட்டமை மற்றும் 2024 ஆம் ஆண்டு பெரும் போகத்தில் ஏற்பட்ட பாதகமான வானிலை காரணமாக உப்பு உற்பத்தி இலங்கையில் பாதிக்கப்பட்டது. இதன் விளைவாக, இலங்கையால் உப்பு இருப்புக்களை பராமரிக்க முடியவில்லை.

இதனால் 185,000 மெட்ரிக் தொன் உப்பு இறக்குமதிக்கு அரசாங்கம் அனுமதித்தது. அதன் பிரகாரமே நாமும் உப்பை இறக்குமதி செய்தோம். என்றாலும், இவற்றை விடுவிப்பதில் பாரிய தாமதங்கள் உள்ளன.

உடனடியாக இவற்றை விடுவிப்பதற்கான நடவடிக்கையை அரசாங்கம் மேற்கொள்ள வேண்டும் எனவும் இலங்கை உப்பு உற்பத்தியாளர்கள் சங்கம் தெரிவித்துள்ளது.

The post துறைமுகத்தில் தேங்கியுள்ள 400 கொள்கலன் உப்பு – விடுவிக்குமாறு கோரிக்கை appeared first on Oruvan.com.

மோசமான வானிலை – உப்பு உற்பத்தியில் பாரிய வீழ்ச்சி

Mano Shangar — Fri, 16 May 2025 04:35:37 +0000

மழையுடன் கூடிய தொடர்ச்சியான மோசமான வானிலை காரணமாக, இந்த ஆண்டு ஒரு கனசதுர உப்பைக் கூட உற்பத்தி செய்ய முடியவில்லை என்று லங்கா உப்பு நிறுவனத்தின் தலைவர் டி. நந்தனதிலக தெரிவித்தார்.

இந்த பாதகமான வானிலை ஹம்பாந்தோட்டையை மட்டுமல்ல, அலிமங்கட உட்பட அனைத்து உப்பு உற்பத்தி இடங்களையும் பாதித்துள்ளதாக அவர் சுட்டிக்காட்டியுள்ளார்.

கடந்த ஆண்டு (2024) இந்த நிலைமை மிகவும் மோசமாகியதாகவும் அவர் கூறியுள்ளார்.

லங்கா உப்பு நிறுவனம் கடந்த ஆண்டு 125,000 மெட்ரிக் தொன் உப்பு இருப்பை உற்பத்தி செய்யும் என்று மதிப்பிட்டிருந்தாலும், பாதகமான வானிலை காரணமாக 40,000 மெட்ரிக் தொன் மட்டுமே உற்பத்தி செய்ய முடிந்தது என்றும் தலைவர் கூறினார்.

ஒவ்வொரு ஆண்டும் மார்ச் மாதத்தில் உப்பு உற்பத்தி தொடங்குவது வழக்கமாக இருந்தாலும், பாதகமான வானிலை அதற்குத் தடையாக இருப்பதாக அவர் கூறினார்.

சந்தையில் உப்புத் துகள்களுக்கு பற்றாக்குறை இருந்தாலும், தூள் உப்பிற்கு பற்றாக்குறை இல்லை என்றும் அவர் கூறினார்.

லங்கா உப்பு நிறுவனம் நேற்று முன்தினம் (14 ஆம் திகதி) லங்கா சதோசாவிற்கு 400 கிராம் தூள் உப்பு ஒரு லட்சம் பொதிகளை வழங்கியதாகவும், நேற்று (15 ஆம் திகதி) மேலும் ஒரு லட்சம் பொதிகளை வழங்க ஏற்பாடுகள் செய்யப்பட்டிருந்ததாகவும் அவர் மேலும் தெரிவித்துள்ளார்.

The post மோசமான வானிலை – உப்பு உற்பத்தியில் பாரிய வீழ்ச்சி appeared first on Oruvan.com.

இந்தியாவிலிருந்து இறக்குமதி செய்யப்படும் உப்பு – நாளைமறுதினம் இலங்கைக்கு வருகிறது

Nishanthan Subramaniyam — Sat, 25 Jan 2025 05:58:17 +0000

இந்தியாவிலிருந்து இறக்குமதி செய்யப்படும் 4,500 மெற்றிக் தொன் உப்பு நாளைமறுதினம் ஜனவரி 27 ஆம் திகதி இலங்கையைலய வந்தடையும் என இலங்கை வர்த்தகக் கூட்டுத்தாபனம் தெரிவித்துள்ளது.

ஜனவரி 31 ஆம் திகதிக்குள் மேலதிகமாக 12,500 மெற்றிக் தொன் உப்பு இறக்குமதி செய்யவும் திட்டமிடப்பட்டுள்ளதாக கூட்டுத்தாபனத்தின் தலைவர் ரவீந்திர பெர்னாண்டோ தெரிவித்துள்ளார்.

இந்தியாவிலிருந்து உப்பை இறக்குமதி செய்ய இரண்டு இறக்குமதியாளர்களுக்கு அனுமதி வழங்கப்பட்டுள்ளது.

அண்மையில் ஏற்பட்ட பருவமழை காரணமாக உள்ளூர் உப்பு உற்பத்தியாளர்கள் எதிர்கொண்ட சவால்களைத் தொடர்ந்து, உப்பை இறக்குமதி செய்ய அரசாங்கம் முடிவு செய்தது என்றும் ரவீந்திர பெர்னாண்டோ கூறியுள்ளார்.

The post இந்தியாவிலிருந்து இறக்குமதி செய்யப்படும் உப்பு – நாளைமறுதினம் இலங்கைக்கு வருகிறது appeared first on Oruvan.com.