வடக்கு ஆப்​கானிஸ்​தான் பால்க் மாகாணத்​தில் கடந்த செவ்​வாய்க்​கிழமை பைபர் ஆப்​டிக் இணைய சேவைக்கு தடை விதிக்​கப்​பட்​டது. ஒழுக்கக்கேட்டை தடுக்​கும் நடவடிக்​கை​யாக இத்​தடை விதிக்​கப்​பட்​டுள்​ள​தாக மாகாண அரசு தெரி​வித்​தது.

இந்​நிலை​யில் தலி​பான் தலை​வரின் உத்​தர​வின் பேரில் பாக்​லான், பதக் ஷான், குண்​டுஸ், நங்​கர்​ஹர் மற்றும் தகார் ஆகிய மாகாணங்​களி​லும் பைபர் ஆப்​டிக் இணைய சேவைக்கு நேற்று முன்​தினம் தடை விதிக்​கப்​பட்​டது.

ஆப்​கானிஸ்​தானில் ஆட்சி அதி​காரத்தை தலி​பான்​கள் கடந்த 2021 ஆகஸ்டில் கைப்​பற்​றிய பிறகு இது​போன்ற தடை விதிக்​கப்​படு​வது இதுவே முதல் முறை.

இதனால் அரசு அலு​வல​கங்​கள், தனி​யார் துறை, பொதுத் துறை நிறு​வனங்​கள் மற்​றும் வீடு​களில் வைபை இணைய இணைப்பு துண்​டிக்​கப்​பட்​டு உள்​ளது. எனினும் மொபைல் இணைய சேவை தொடர்ந்து இயங்கி வரு​கிறது.

இந்​நிலை​யில் ஒழுக்​கக்​கே​டான செயல்​களை தடுப்​ப​தற்​காக இந்த நடவடிக்கை எடுக்​கப்​பட்​டுள்​ள​தாக​வும் அத்​தி​யா​வசிய தேவை​களுக்கு மாற்று ஏற்​பாடு செய்​யப்​படும் என்​றும் மாகாண அரசுகள் கூறி​யுள்​ளன. இந்த தடையை ஆப்​கானிஸ்​தான் ஊடக ஆதரவு அமைப்பு கண்​டித்​துள்​ளது.

“தலி​பான் தலை​வரின் உத்​தர​வின் பேரில் மேற்​கொள்​ளப்​பட்ட இந்த நடவடிக்​கை, லட்​சக்​கணக்​கான மக்​களின் இலவச தகவல் மற்​றும் அத்​தி​யா வசிய சேவை​கள் பெறு​வதை தடுப்​பது மட்​டுமன்​றி, கருத்து சுதந்​திரம் மற்​றும் ஊடகப் பணிக்​கும் பெரும் அச்​சுறுத்​தலை ஏற்​படுத்​தி​யுள்​ளது” என்று அந்த அமைப்பு தெரி​வித்​துள்​ளது.

அதேவேளை, ஆஸ்திரேலியாவில் வாழும் ஆப்கானிஸ்தான் சமூகமும் இதனை வன்மையாகக் கண்டித்துள்ளது.

The post ஆப்கானிஸ்தானின் வடக்கு பகுதியில் இணைய சேவைக்கு தடை appeared first on Oruvan.com.

ஐக்கிய அரபு அமீரகத்தில் நடைபெற்று வரும் முத்தரப்பு டி 20 கிரிக்கெட் தொடரில் நேற்று முன்தினம் நடைபெற்ற லீக் ஆட்டத்தில் பாகிஸ்தான் – ஆப்கானிஸ்தான் அணிகள் மோதின.

முதலில் பேட் செய்த ஆப்கானிஸ்தான் 20 ஓவர்களில் 5 விக்கெட்கள் இழப்புக்கு 169 ஓட்டங்களை எடுத்தது. செதிகுல்லா அடல் 45 பந்துகளில், 3 பவுண்டரிகள், 3 சிக்ஸர்களுடன் 64 ரன்களும், இப்ராகிம் ஸத்ரன் 45 பந்துகளில், ஒரு சிக்ஸர், 8 பவுண்டரிகளுடன் 65 ரன்களும் சேர்த்தனர்.

தான் அணியால் 20 ஓவர்களில் 9 விக்கெட்கள் இழப்புக்கு 151 ஓட்டங்களை மட்டுமே எடுக்க முடிந்தது.

அதிகபட்சமாக ஹாரிஸ் ரவூப் 34, பஹர் ஸமான் 25, கேப்டன் சல்மான் ஆகா 20 ரன்கள் சேர்த்தனர். ஆட்ட நாயகனாக இப்ராகிம் ஸத்ரன் தேர்வானார்.

The post முத்தரப்பு டி20 தொடரில் பாகிஸ்தானை வீழ்த்தியது ஆப்கானிஸ்தான் appeared first on Oruvan.com.

பாகிஸ்தானில் சட்டவிரோதமாக குடியேறிய ஆப்கானிஸ்தான் நாட்டினர் மற்றும் ஆப்கான் குடியுரிமை அட்டை உடையவர்களை வருகின்ற மார்ச் 31க்குள் அவர்களது தாயகத்திற்கு திருப்பி அனுப்பும் பணி மேற்கொள்ளப்பட்டு வருகின்றது.

இதனைத் தொடர்ந்து, தீவிரவாத தாக்குதல்கள் அதிகரித்துள்ளதினால் துவங்கப்பட்ட இந்த திட்டத்தின் மூலம் இன்று (மார்ச் 20) வரை 8,74,282 ஆப்கன் மக்கள் ஆப்கானிஸ்தான் நாட்டிற்கு அனுப்பப்பட்டுள்ளதாக பாகிஸ்தான் அதிகாரிகள் தெரிவித்துள்ளனர்.

இந்நிலையில, திருப்பி அனுப்பப்படும் ஆப்கன் மக்களுக்கு தேவையான உணவு மற்றும் மருத்துவ வசதிகள் அனைத்தும் முறையாக வழங்கப்பட்டுள்ளதாகவும் இந்த நடவடிக்கைகளின்போது அவர்கள் எந்தவொரு பாதிப்புக்கும் உள்ளாகவில்லை என்பதை பாகிஸ்தான் அரசு உறுதி செய்துள்ளதாகவும் கூறப்பட்டுள்ளது.

மேலும், வருகின்ற மார்ச் 31 வரை இந்த திட்டத்திற்கான காலகெடு விதிக்கப்பட்டுள்ள நிலையில் அதற்கு பின்னர் எல்லையைக் கடக்கும் நபர்கள் மீது கடுமையான சட்ட நடவடிக்கை மேற்கொள்ளப்படும் என எச்சரிக்கை விடுக்கப்பட்டுள்ளது.

முன்னதாக, நேற்றுமுன்தினம் (மார்ச் 20) ஆப்கானிஸ்தானின் வெளியுறவுத் துறை அமைச்சர் அமிர் கான் முத்தாகி பாகிஸ்தான் மட்டுமின்றி உலகின் அனைத்து நாடுகளிலும் உள்ள ஆப்கன் மக்கள் தங்களது தாயகத்திற்கு திருப்பி அனுப்பப்பட வேண்டும் என வலியுறுத்தியுள்ளார்.

The post 8 இலட்சம் ஆப்கன் மக்களை தாயகம் அனுப்பிய பாகிஸ்தான் appeared first on Oruvan.com.

இதில் குழந்தைகள் உட்பட 15 பேர் பலியாகியுள்ளதாக வெளிநாட்டு ஊடகங்கள் செய்தி வெளியிட்டுள்ளன.

இந்த தாக்குதல் வெற்றிகரமாக நடத்தப்பட்டதாகவும், ஒரு முகாமை தகர்த்து சில கிளர்ச்சியாளர்களைக் கொன்றதாக பாகிஸ்தான் பாதுகாப்பு அதிகாரிகள் தெரிவித்ததாக PTI செய்தி வெளியிட்டுள்ளது.

எவ்வாறாயினும், ஜெட் விமானங்கள் ஆப்கானிஸ்தானுக்குள் ஆழமாகச் சென்றனவா அல்லது அவை எவ்வாறு சரியாக ஏவப்பட்டன என்பது தெளிவாகத் தெரியவில்லை.

நேற்றிரவு (24) லமன் உட்பட ஏழு கிராமங்கள் இந்தத் தாக்குதல்களுக்கு இலக்காகியதுடன், ஒரே குடும்பத்தைச் சேர்ந்த ஐவர் கொல்லப்பட்டதாகத் தெரிவிக்கப்படுகிறது.

பாகிஸ்தான் விமானப்படையின் போர் விமானங்களால் இந்தத் தொடர் தாக்குதல்கள் நடத்தப்பட்டுள்ளதாகவும், தாக்குதல்களால் பர்மாலில் உள்ள முர்க் பஜார் கிராமம் பெரும் அழிவை சந்தித்துள்ளதாகவும் ஊடகங்கள் மேலும் தெரிவித்துள்ளன.

வான்வழித் தாக்குதல்கள் கடுமையான சேதத்தையும் பொதுமக்களுக்கு பரவலான அழிவையும் ஏற்படுத்தியுள்ளதாகவும், பிராந்தியத்தில் பதற்றம் மேலும் அதிகரித்துள்ளதாகவும் தெரிவிக்கப்படுகிறது.

பர்மால், பக்திகா மீதான வான்வழித் தாக்குதலுக்குப் பிறகு பாகிஸ்தானுக்கு பதிலடி கொடுப்பதாக தலிபான் பாதுகாப்பு அமைச்சகம் சபதம் செய்துள்ளதாகவும் வெளிநாட்டு ஊடகங்கள் செய்தி வெளியிட்டுள்ளன.

எவ்வாறாயினுமு், இந்த வான்வழித் தாக்குதல்கள் குறித்து பாகிஸ்தான் இன்னும் அதிகாரப்பூர்வ அறிக்கையை வெளியிடவில்லை.

இருப்பினும், ஆப்கானிஸ்தான் அறிக்கை ஒன்றை வெளியிட்டு, தாக்குதல்களை கடுமையாக கண்டித்துள்ளதுடன், அவற்றை “கோழைத்தனமான செயல்” என்று முத்திரை குத்தியுள்ளது.

தாலிபான்கள் பாகிஸ்தான் மீது தாக்குதல்களை நடத்த அண்டை நாட்டின் மண்ணைப் பயன்படுத்துவதாக இஸ்லாமாபாத் அடிக்கடி கூறுகிறது. இருப்பினும், ஆப்கானிஸ்தான் இந்தக் குற்றச்சாட்டை கடுமையாக மறுக்கிறது.

மார்ச் 2024க்குப் பிறகு இதுபோன்ற இரண்டாவது தாக்குதல்கள் இவை. முன்னதாக, ஆப்கானிஸ்தானுக்குள் எல்லைப் பகுதிகளில் உளவுத்துறை அடிப்படையிலான தாக்குதலை நடத்தியதாக பாகிஸ்தான் தெரிவித்தது.

ஆப்கானிஸ்தானுக்கான பாகிஸ்தானின் சிறப்புப் பிரதிநிதி முகமது சாதிக் காபூலுக்குச் சென்ற சில மணி நேரங்களுக்குப் பிறகு இந்தத் தாக்குதல்கள் நடந்துள்ளமை குறிப்பிடத்தக்கது.

The post தலிபான்களை இலக்கு வைத்து பாகிஸ்தான் வான்வழி தாக்குதல் – 15 பேர் பலி appeared first on Oruvan.com.