இலங்கைக்கு வரும் இந்திய நீர்மூழ்கிக் கப்பல்: இந்த நீர்மூழ்கிக் கப்பல் நாளை முதல் எதிர்வரும் 22ஆம் திகதி வரை இலங்கையில் நிறுத்தி வைக்கப்பட்டிருக்கும் என தெரிவிக்கப்பட்டுள்ளது.

இந்திய கடற்படைக்கு சொந்தமான புத்தம் புதிய நீர்மூழ்கி கப்பலான வாகீர் நாளை (19) இலங்கைக்கு வருகைத் தரவுள்ளதாக இந்திய உயர்ஸ்தானிகராலயம் தெரிவித்துள்ளது.

ஒன்பதாவது சர்வதேச யோகா தினத்தை கொண்டாடும் வகையில், செயல்பாட்டு பயணமாக குறித்த நீழ்மூழ்கிக் கப்பல் வருகை தரவுள்ளதாக இந்திய உயர்ஸ்தானிகராலயம் தெரிவித்துள்ளது.

'வாகீர்' என பெயரிடப்பட்டுள்ள இந்த நீர்மூழ்கிக் கப்பல் நாளை முதல் எதிர்வரும் 22ஆம் திகதி வரை இலங்கையில் நிறுத்தி வைக்கப்பட்டிருக்கும் என தெரிவிக்கப்பட்டுள்ளது.

இந்திய நீர்மூழ்கிக் கப்பற்படையின் தளபதி மற்றும் மேற்கு கடற்படைக் கட்டளைப் பொறுப்பதிகாரி ஆகியோருக்கு இடையில் சந்திப்பு ஒன்றும் இதன்போது திட்டமிடப்பட்டுள்ளது.

பாடசாலை மாணவர்கள் மற்றும் பார்வையாளர்களுக்கு கண்காட்சிக்காக இந்திய நீர்மூழ்கிக் கப்பலைத் திறக்கும் திட்டம் தற்போது நடைபெற்று வருவதாக இந்திய உயர்ஸ்தானிகராலயம் மேலும் தெரிவித்துள்ளது.