சர்வதேச ரி20 அரங்கில் நமீபிய வீரர் அதிவேக சதம்: 33 பந்துகளில் லோஃப்டி-ஈடன் சதம்
![Oruvan](https://gumlet.assettype.com/oruvan/2024-02/0f8e6769-3ce2-43ff-9333-5de8012fe189/GHVKFgVbYAACVyu__1_.jpg?format=webp&w=800&q=70)
![Oruvan](/site-related-assets/no-image.webp)
Namibia's Loftie-Eaton smashes fastest T20I hundred
சர்வதேச ஆடவர் ரி20 கிரிக்கெட் அதிவேகமாக சதம் அடித்த வீரர் என்ற சாதனையினை நமீபியாவின் ஜோன் நிகோல் லோஃப்டி-ஈடன் (Jan Nicol Loftie-Eaton) படைத்துள்ளார்.
நேபாளத்தில் நடைபெறும் முத்தரப்பு தொடரின் தொடக்க ஆட்டத்தின் போது அவர் இந்த மைல்கல்லை எட்டினார்.
கீர்த்திபூரில் நேபாள அணியுடனான முதல் ரி20 போட்டியின் போதே லோஃப்டி-ஈடன் 33 பந்துகளில் தனது சதத்தை எட்டினார்.
லோஃப்டி-ஈடன் நேபாள அணிக்கு எதிரான இன்றைய போட்டியில் மொத்தமாக 36 பந்துகளில் 11 பவுண்டரிகள் மற்றும் 8 சிக்ஸர்களுடன் 101 ஓட்டங்களை எடுத்தார்.
இதன்மூலம் நேபாள வீரரான குஷால் மல்லாவின் (Kushal Malla) முந்தைய சாதனை முறியடிக்கப்பட்டது.
2023 ஆம் ஆண்டு ஹாங்சோவில் நடந்த ஆசிய விளையாட்டுப் போட்டியில் மங்கோலியாவுக்கு எதிராக நேபாளம் 3 விக்கெட்டுக்கு 314 ஓட்டங்களை எடுத்திருந்தபோது குஷால் மல்லா 34 பந்துகளில் சதம் பெற்றார்.
அதே போட்டியில் தான் தீபேந்திர சிங் ஐரி 9 பந்துகளில் ரி20 அரங்கில் அதிவேக அரைசதம் அடித்தமையும் குறிப்பிடத்தக்கது.
![Oruvan](https://gumlet.assettype.com/oruvan/2024-02/647d1275-522a-4922-9f93-3cb96ca61a13/GHVGTXubgAAfrsy.jpg?format=webp&w=1000&q=80)
![Oruvan](/site-related-assets/no-image.webp)
Fastest T20 Century