வெற்றி தோல்விகளை ஏற்றுக்கொள்ள வேண்டும்; குசல் மெண்டிஸ்: உலகக்கிண்ண போட்டிகளை முடித்துக் கொண்டு இன்று காலை நாட்டை வந்தடைந்த இலங்கை அணியினர், கட்டுநாயக்க விமான நிலையத்தில் ஊடகங்களுக்கு கருத்து வெளியிட்டனர்

கொழும்பு : உலகக் கிண்ண அணித் தொடரில் இலங்கை மிகச் சிறப்பாக விளையாடிய போதிலும், துரதிஷ்டவசமாக சில போட்டிகளில் தோல்வியடைந்ததாக இலங்கை கிரிக்கெட் அணியின் தலைவர் குசல் மெண்டிஸ் தெரிவித்துள்ளார்.

உலகக்கிண்ண போட்டிகளை முடித்துக் கொண்டு இன்று காலை நாட்டை வந்தடைந்த இலங்கை அணியினர், கட்டுநாயக்க விமான நிலையத்தில் ஊடகங்களுக்கு கருத்து வெளியிட்டனர்.

இதன்போது கருத்து வெளியிட்ட அணியின் தலைவர் குசல் மெண்டிஸ், மேலும் கூறியதாவது,

போட்டிகளில் தோற்றதற்கு உண்மையிலேயே வருந்துகிறோம். போட்டிகளில் வெற்றி தோல்வியை ஏற்றுக்கொள்ள வேண்டும். போட்டியை சிறப்பாக முடிக்க முடியாவிட்டாலும், அணியானது சிறப்பாகவே விளையாட முற்பட்டது.” என்றார்.

உலக்கிண்ணத் தொடரில் இலங்கை அணி பல போட்டிகளில் படுதோல்வியையே சந்தித்திருந்தது. இதனால் அணிமீது இலங்கை ரசிகர்கள் கடும் விமர்சனங்களை முன்வைத்தனர்.

அத்துடன், அணியின் தேர்வாளர் குழு மற்றும் கிரிக்கெட் சபையின் உறுப்பினர்களை உடடியாக மாற்ற வேண்டும் என்ற கருத்து வலுபெற்றது.

இந்தப் பின்புலத்திலேயே நேற்று பாராளுமன்றத்தில் விசேட பிரேரணையொன்று நிறைவேற்றப்பட்டு கிரிக்கெட் சபை பதவி நீக்கம் செய்யப்பட்டது.