’தளபதி’ விஜய் ஒரு அற்புதமான மனிதர்! அவரின் அர்ப்பணிப்பு... ஹாலிவுட் நடிகர் புகழாரம்: விஜய்யுடன் சேர்ந்து நடித்தது ஒரு சிறந்த அனுபவம்.

நடிகர் விஜய் இயக்குனர் லோகேஷ் கனகராஜ் இயக்கத்தில் ‘லியோ’ திரைப்படத்தில் நடித்துள்ளார்.

இந்த திரைப்படம் அடுத்த மாதம் திரைக்கு வரவுள்ளது.

லியோ திரைப்படத்தில் ஹாலிவுட் நடிகர் டென்சில் ஸ்மித் ஒரு முக்கிய வேடத்தில் நடித்திருக்கிறார்.

இவர் கிறிஸ்டோபர் நோலன் இயக்கிய டெனண்ட் என்ற படத்தில் முக்கிய வேடத்தில் நடித்தவர்.

அவர் அளித்துள்ள ஒரு பேட்டியில், லியோ படத்தில் விஜய்யுடன் நடித்த அனுபவத்தை கூறியுள்ளார்.

அதில், ‛‛லியோ நான் நடித்துள்ள முதல் தமிழ் படம். இந்த படத்தின் படப்பிடிப்பில் மூன்று நாட்கள் கலந்து கொண்டேன்.

மூன்று நாட்களும் நான் நடித்த அனைத்து காட்சிகளும் விஜய்யோடு தான் படமாக்கப்பட்டது. நடிகர் விஜய் ஒரு அற்புதமான மனிதர்.

அவரது அர்ப்பணிப்பு என்னை ஆச்சரியப்படுத்தியது. விஜய்யுடன் நான் நடித்தது ஒரு சிறந்த அனுபவமாகவும் இருந்தது” என கூறியுள்ளார்.